Автору блога: Министр труда и социальной защиты населения РК
Категории: Финансы
Саламатсыз ба! Менің мынадай сұрағым бар. Қазақстан Республикасы Үкіметінің 29.12.2007 жылғы 1400 қаулысындағы азаматтық қызметшілердің санаттары бойынша тізілімі берілген. G-10, G-12, G-13 санаттарында бухгалтер лауазымы көрсетілген. Кейбір мекемелердің, яғни селолық округ әкімі аппаратының, дербес бөлімдердің бухгалтерлері жалақыны G-6 санатымен алғысы келетіндерін айтып отыр. G-6 санатымен жалақыны қандай мекемелердің бухгалтерлері алуы керек, және G-10,G-12, G-13 санаттары бойынша жалақыны кандай мекемелердің бухгалтерлері ала алады? Сұрағыма түсінікті етіп жауап беретініңізге сенімім мол. Алдын ала Рахмет!
Құрметті Амангелді! Азаматтық қызметшілерге еңбекақы төлеу «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы № 1400 қаулысымен ( бұдан әрі – Қаулы ) реттеледі. Қаулының 3-тармағына сәйкес ұйымдар қызметкерлерінің лауазымдық жалақылары (ставкалары) (ЛЖ) атқаратын лауазымдарының лауазымдар санаттарына жатқызылуына және мамандығы бойынша жұмыс стажына, тағайындалған біліктілік разрядтарына (жұмысшылар үшін) қарай лауазымдық жалақыларын (ставкаларын) есептеу үшін бекітілген тиісті коэффициенттерді Қазақстан Республикасының Үкіметі белгілеген базалық лауазымдық жалақының (БЛЖ) мөлшеріне көбейту жолымен айқындалады. Қаулыға 1-қосымшамен бекітілген Азаматтық қызметшілердің санаттар бойынша лауазымдарының тізіліміне сәйкес біліктілігі жоғары деңгейдегі есепшіге еңбекақы төлеу G-10 санаты, орта деңгейдегі есепшіге - G-13 санаты бойынша жүргізіледі. G-12 санаты бойынша еңбекақы төлеу біліктілігі орта деңгейдегі аға мамандарға жүргізіледі. Ал G-6 санаты бойынша еңбекақы төлеу кейбір мекемелер мен кәсіпорындардың бас есепшілеріне жүргізіледі.
